සිත ඔබගෙයි ප්‍රියේ ... දැන් ලං වෙමු මෙසේ ...

දුක හංගාන ඇස් අස්සේ
හිනැහෙන්න බෑ ..
මේ හිත හඬන බව තාම
ඔබ දන්නේ නෑ ...
උණු කඳුළු බර හිතට
උහුලන්න බෑ ..
මගෙ දුක දන්න ඔබ
ඔහොම දුර ඉන්නේ නෑ ...

මට උණුහුමට සැඟවෙන්න
ඔය පපුතුරේ
ඇයි තව නාවෙ පිසලන්න
කඳුළැල් මගේ
හිත මාගේ ඔබ ගාව
දන්නෑ  වගේ
තව දුර ඉන්නේ ඇයි මෙහෙම
ඉවසනු කෙසේ ...

සිත ඔබගෙයි ප්‍රියේ ..
ඇයි දන්නෑ වගේ ...

ලිහිණින් ද මුමුණන්නේ
රෑ මැදියමේ
ඔබ ගැනමයි ඉතින් නොඑද
කඳුලක් ඇසේ
ඔබ ලං වෙන්න දුර ඉන්න
බෑ තව මෙසේ
හෙට හිරු ඒවි ඔබ අහස
වූවොත් මගේ ...

සිත ඔබගෙයි ප්‍රියේ ...
දැන් ලං වෙමු මෙසේ ...