~~~~දික්කසාද පෙම්බර වළප~~~~

කුලගෙයි බැඳුම් බිඳිණු නොහැකි
පතිදම් පුරන්න කැපවී
නුඹ හා පෙමින්ම නික්මී ආ
මන්ද්‍රි දේවි මා..

දුක සැප ද එකම ලෙසිනී
විඳ ගන්න දිරිය ලදිමී
නුඹ පෙමට දිවිය කැප කර ආ
මන්ද්‍රි දේවි මා..

දරු සෙනේ පිරුණු ලයෙහි
කකියනා රිදුම් නුඹෙනි
සඟවලා නුඹට දිරි වූ
මන්ද්‍රි දේවි මා..

සරා සසර මගදී
නුඹ ගියා කියා දුක දී
නැති සෙනේ බිඳක් අඩු වී
මන්ද්‍රි දේවි මා..

යළි ඔබේ සෙවනෙ සැනහී
හිනැහෙනා දිනක් සොයමි
ඔබ නමින් පෙම් පුරා වැළපෙන
මන්ද්‍රි දේවි මා