මට හිනා වෙන්න අලුත් හිනාවක් ගෙන එන්න
දුක කියා දෙන්න හිත හඬනා හැටි අහ ගන්න
මට ඔබේ වෙන්න බැරි නම් මොහොතක් ළඟ ඉන්න
ඔබ ඇවිත් යන්න හීනෙන්වත් මුහුණ සිඹින්න
මන්දාරමට පෙර අඳුරෙන් අහස බර වුණා
වැහි බීරමක් හොරෙන් අවුදින් පොළොවට වැටුණා
සංසාර පැතුම් අකලට වට වැස්සට තෙමුණා
නෙතු දෑල දිලුන සිහිනය එක මොහොතින් මැකුණා
කවියක්ව හිතේ ලියැවී ඉන්නට පැතුවාට
දුක දරා ගනිමි සංසාරේ පින් නැතිවාට
සුව සදමි නිතින් සතපා ලය මඩලේ යසට
සිහිනයක් ලෙසින් අවුදින් ළඟ ඉන්නා රෑට
No comments:
Post a Comment