සතුටකදිත්
හිනා නොවෙන
දුක හංගන්
බලා හිඳින
මුවින් එකදු වදනක් වත්
නොදොඩා මුනිවතම රකින
නමුත්
දරු පෙමින් සිත යට
දස දහසක් බස් තෙපලන
අපෙ අප්පච්චි
ඉරට වඩා එළිය බෙදන
සඳු වාගේ සිසිල සදන
දිරිය වෙලා ලඟම රැඳෙන
අපෙ අප්පච්චි ..
විසල් අහස ඔබමයි මට
මගෙ අප්පච්චි ....
දහදිය උණු කඳුළු හලපු
රහසින් හැම දුක් උහුලපු
මලක් වගේ අපව හදපු
අපෙ අප්පච්චි...
මුළු ලෝකෙම ඔබමයි මට
මගෙ අප්පච්චි .....
No comments:
Post a Comment