ආසයි මට ඔබේ වෙලා ළඟ දැවටෙන්න

පාට අහිමි හීනයකට
පාටක් දෙන්න
තනුව නොමැති ගීතයකට 
තාලය වෙන්න 
සිනා නොලද නෙතු මත 
සිනහා තවරන්න 
ආසයි මට ඔබේ වෙලා 
ළඟ දැවටෙන්න 

පුංචි කාලේ පුංචිකමට
ඔබෙ ලඟට වෙලා 
සෙල්ලම් බත් උයපු තාලේ 
මතකයක් වෙලා 
අවුදින් සිත මත හිනැහී 
සිතට ඉඟි කළා 
ඒ මතකෙන් ඔබේ වෙන්න 
පැතුම් එක් කළා 

ලැජ්ජාවට ඔසරි පොටෙන් 
මුහුණ වහන්න
මාල හතක දිස්නෙන් 
තරු නිවා දමන්න 
ඔටුනු නැතත් ඔබේ සිත මත
රැජිණිය වෙන්න 
දවස තවත් බෝ දුර දැයි 
මෙමට කියන්න ....