කඳුලක් ගානේ ඔබ නම ලියලා
සුසුමක් ගානේ මතකය ඔතලා
පා කර එවනෙමි යළි ඔබ සොයලා
අමතක නොවෙනා
ඔබේ ආදරී ..
ළසොවින් වැළපෙන ඔබ නැති සොවිනා...
හිතුවක්කාරී වී ළඟ සැමදා
ඉන්නට පැතුවත් මතකය වළ දා
මා මෙහි තනිකර ඔබ ගිය පෙර දා
කඳුලක් නැගුනයි දෙකොපුල පිසදා
උරුමක්කාරී ඔබෙමයි කියලා
හිටියත් සැමදා මා මග බලලා
මග බැලූ නෙතු මත කඳුලක් තියලා
ගියේ ඇයි ඈතට මා සිත පෙළලා
රෑ තුන් තිස් පැය පෙර මග බලලා
උන්නත් ඔබ එන්නැති බව දැනිලා
සිහිනෙක ඔබ රුව දකිතැයි සිතලා
නිදියා ගත්තෙමි සුසුමක් හෙළලා
ඔබගේ නාමෙන් පැතුමන් දරලා
කවදා හෝ ඔබ ඒ යැයි සිතලා
තවමත් ඉන්නෙමි පෙර මං බලලා
අදවත් එනු මැන පෙම් සිත සොයලා
ඔබ යළි එනතුරු මා සිත සොයලා
මග බලමින් ඉමි කඳුලැලි පිසලා
පෑරුණු හිත මත සිනහව තබලා
ගුලි වෙමි ලය මත දෑසම වසලා
No comments:
Post a Comment