බැද්ද උඩින් හඳ ඇවිදින් හිනා වෙද්දී -----------අපුරුවට
ඉද්ද ගහම සිල් අරගෙන සුදු රෙද්දක් වගේ-------- ජයට
සද්ද නොකර අඩි තිය තිය හෙමින් සැරේ ------අසීරුවට
රෙද්ද සුදට ඇඳගෙන අත්තම්මා ගොහින් සිල් --ගන්නට
දෝත මුදුනේ බැඳ වැඳගෙන සාදුකාර -------------දිදී
කේලම් මළු එකින් එකට හොරෙන් හොරෙන් ----අදී
ගම පුරාම ගෑණුන්ගේ ගලවනවා ---------------- රෙදී
ඕනා නැති දේටත් ඈ මහා හයියෙන් --------------වඳී
කල් ගත කර හවස් කොරේ ගෙදරට ගොඩ ----වෙනා
පල් හෑලිම දොඩවයි සිල් ගන්න ගොහින් ------ගෙනා
යල් පැන ගිය සුදු රෙදී ටික හනි හනිකට --------උනා
සිල් මුදවයි රඳවා සිටි සුදු පැහැ -------------ඇඳුමෙනා
No comments:
Post a Comment