හිනා වෙන ඇස් දෙකක්
මට කතා කරනවා
කඳුළු බර වැඩි නිසා
හිනා දෙමි කියනවා
හිනා මල් අහුලන්න
ලං වෙන්න හිතෙනවා
අලුත් කඳුලක් එයි ද
සිත මගෙන් අහනවා ..
ආදරේ මල් පිපුණු
නිල මිටියාවතේ
අත් බැඳන් ඇවිද ගිය
කඳුළු මල් මාවතේ
මතක අතරේ සරණ
හුදෙකලා මා සිතේ
ඒ නුවන් නාමයෙන්
අලුත් පදවැල් ගෙතේ ...
කඳුළු කවිකම් කෙරූ
පරණ කවි පොත පුරා
හිතේ දුක ගුලි කළෙමි
කවක පදවැල් අරා
පෙම් කවක් ලියන්නට
පෙම් හැඟුම් සිත දරා
හැකිවේද සොයමි මම
කඳුළු කවි පොත ඉරා ...
No comments:
Post a Comment