Sunday, October 28, 2012

පින්සාර ඔබේ සිත ගාව නිදන්නට පෙරුම් පුරමි හැම රෑ තිස්සේ ...


පාළු හිතට ඔබ හොරෙන්ම ඇවිදින්
ගීත ලියනවා සිත මත්තේ
යාළු සුළඟ මදහාස නගනවා
වෙළෙමින් පද වැල් මැද්දේ
තාල නොමැති ගීතයක් වෙලා
ඉන්නම්ද ඇවිත් ඔය ඇස් අස්සේ
තාල නැතොත් පල නෑලු ඉඳින්
මම දැවටෙමි අවුදින් ඔබෙ හුස්මේ ....

කෝල නුවන් අග ලීව කතන්දර
මොනවාද අහන්නට සිත ඇත්තේ
නෙතු ගාව ඉදන් දඟ පාන නමුත්
ලං වෙන්න තරම් පින් කර නැත්තේ
සඳපාන වාගේ ඉඟි පාන ඔබේ වත
සිහිනෙට විත් සිතුවම් ඇන්දේ
හීන දිගේ ගිය මාගේ හිතත්
මට හොරෙන් කෙලෙස ඔබ අර ගත්තේ ....

සංසාරේ පුරා දුර ඈත ඉදන්
මා ගාවම උන්නද නෑ දන්නේ
ඉඟි පාන හිනාවෙන් පාර අසාගෙන
ඉන්න හිතයි පෙම් සිත මත්තේ 
සිහිනයක් වෙලා හැමදාම වගේ
බොඳ වෙයිද බියෙන් සිත තැති ගත්තේ
පින්සාර ඔබේ සිත ගාව නිදන්නට
පෙරුම් පුරමි හැම රෑ තිස්සේ .....

No comments:

Post a Comment