කවියක තවරමින් ආදරයක හැඟුමන්
සිතුවිල්ලක් විලස සිත මත ඉන්නද මන්
අතුරමි සිත පුරා දේදුන්නක පැහැයන්
සැනසෙමි තුරුළු වී ලයමත හිස සතපන්
ඉන්නම් ඇවිත් සැඟවෙමි ඔබ සිත් අහසේ
දෙන්නම් දෙතොල් පුරවා පෙම් මදහාසේ
ගන්නම් තුරුළු කර සිත වෙත ඔබ පහසේ
වෙන්නම් ඔබේ සැමදා ලොවටම රහසේ
මදනලක් සේ වෙලී සියොලඟම දැවටෙමි
මුදු දෙතොල් ආදරේ හසකනින් පුරවමි
ඔබ නමින් ජිවිතේ ටජ් මහල් තනවමි
ඔය දෙපා මුල මගේ විජිතයේ රජ වෙමි
අතු පැළ වුවද ටජ්මහලක් සේ සිතමි
ඒ තුළ ඔබ නමින් ලොව්තුරු සුව සදමි
දිව සැප පරදන්න මුව හසරැල් පුදමි
හැම රෑ ඔබේ උණුසුම් තුරුලේ නිදමි
No comments:
Post a Comment